Օրը՝ 29.10.2022
Ժամը՝ 11:00
Անցկացման վայրը՝Հարավային դպրոցի լանջեր
Մասնակիցները Հարավային դպրոցի 5 տարեկաններ
Պատասխանատուներ՝ Լուսինե Հակոբյան, Անի Հակոբյան
Երաժշտության դաստիարակ՝ Մարիամ Մնացականյան
Հագուստը՝ 5 տարեկանները ներկայանում են դասարանական գունավոր շապիկներով
Նպատակը՝ Կոմիտասյան օրերի շրջանակում ներկայացնել Կոմիտասի ստեղծագործությունները, սովորողների երաժշտական, խաղային գործունեության մեկամսյա արդյունքները
Խնդիրները՝
- Երաժշտության միջոցով սովորողներին հաղորդակից դարձնել ազգային մշակույթին,
- Սովորողների մոտ ձևավորել երաժշտական ունակություններ, երգելու, երգը խաղալով ներկայացնելու կարողություններ,
- Տարածել կոմիտասյան երաժշտությունը:
Ծրագրում՝
Ազգային խաղ՝ «Մամի՜, մամի՜, խաղողը հասե՞լ է…»
Խաղը՝ Մարիամ Մնացականյանի ուսումնական բլոգից
Նկարագրությունը՝
Երեխաները բռնում են միմյանց ձեռքից և ուղիղ գծով կանգնում: Շարքի վերջում
կանգնածներից մեկը մյուսին հարցնում է.
- —Մամի, մամի, խաղողը հասե՞լ է:
Մյուսը պատասխանում է. - —Հասել է, հասմըսել է,
Շանը կտամ, գելին կտամ,
Քեզ մի ճութ չեմ տա: - —Ինչո՞վ գամ` որ տաս:
- —Դհոլ — զուռնով:
Հարցնողն իր խմբով, դհոլի և զուռնայի ձայներին նմանեցնելով, որևէ երաժշտություն «նվագելով», շարքի առջևից գալիս և անցնում է պատասխանողի և նրա կողքին կանգնածի թևերի տակով: Երբ շարքը նորից շարվում է իր նախկին դիրքով, պատասխանողի կողքին կանգնածի դիրքը փոխվում է: Նրա ձեռքերը խաչված են, իսկ ինքը՝ շրջված հակառակ կողմ: Երկխոսությունը կրկնվում է մի քանի անգամ: Յուրաքանչյուր երկխոսության վերջում հանձնարարությունը տարբեր է լինում՝ ձիով,մեքենայով, թռչկոտելով, մի ոտքով թռնելով, ավանակով, հաց ուտելով (հա՜մ, հա՜մ, հա՜մ, հա՜մ,) երգելով, գնացքով, զմփիկով, նապաստակի նման ցատկելով և այլն: Ամեն անգամ անցնում են արդեն շրջվածի և կողքին կանգնածի բռնած ձեռքերի տակով: Երբ անցնում են վերջին զույգի թևերի տակով, պատասխանողն ասում է. - —Մամին կասի՝ սխտոր ծեծենք:
Շարքը, բաց չթողնելով ձեռքերը, ռիթմիկ թռիչքներ է կատարում - —Չը՜խկ, չը՜խկ, չը՜խկ, չը՜խկ:
- —Մամին կասի` լվացք ենք արել, պարանը կարճ է:
- —Քաշենք` երկարի:
Երկու կողմից խաղավարները, որոնց կողմից է շարքի կեսը, նրանց հետ քաշում են այնքան, մինչև մեջտեղի կամ որևէ զույգի ձեռքեր իրարից բաժանվեն:
Արդյունքները կամփոփվեն տեսանյութերի տեսքով, որոնք կտեղադրվեն դասարանական բլոգներում, ենթակայքում: